Tango in hengel

Waerveln en Oowergev’n
Hengel. Stad met tevreen leu. Nich so vrömd ok, a’j wet dat ze ut doar beheurlik good veur mekoar hebt, d’r wöd ievrig waerkt – en nich so völ kloagt. Wa woj dan noch? Is’t dan nooit genog? Waerveln en ‘n luk meer spöln, dat wilt wie. Ai’t te good op rie hebt, köj oe ok ‘n luk te makkelijk verveeln. Da’s nich good veur ‘t gemood.

Enne, wie goat d’r wat an doon.
Noa de sommer koom’t wie bie mekoar vuur de Argentijnse Tangoo. Wie, dat bin’t alle leu oet Hengel dee met wilt doon. Of ze noe old of jong bint, keerls en vrouleu, kleen en groot. En ok a’j wieder oet Twente kömt of nog wieder, oaver de poal ok, bi’j nog welkom. Wie goat wier daans’n, net as vrogger op elk’n brulft. Ie wodt d’r better van; oenne wealt wödt d’r wier wat grötter van. En miskien he’j d’r in un aandere tied wa oaver fantaseert.

Wat goat wie doan?
Nich te völ. Loop’n ... op muziek ...met mekoar ... en ‘t leefst ok nog ‘n betken ellegaant.
Is dat zwoar? Neu, dat valt wa met, mer ie mag d’r wa wat meui’t veur doan.

Woar mikt wie op?
Aw’n paar joar wieder bint dan daanst ter in Hengel en in heel Twente dreedoezend tot wa teendoezend leu de Argentijnse tango. Waervelnd en met völ schik, mangsmoal ok troag en verstild. Dich bie’j oew geveul. M’r aait met veul plezeer.

Woar doot wie dat?
In’t stadhoes, op de markt, bie’j Stork in ‘t fabreek. En ok in de oale buurt’n, in de Berflo Es, op ‘t Wilbert, noom m’r op.

Doo’j met?
Wie goat d’r weark van maak’n. Met de groot’n van Iser Koeperman

PS Stel oe veur. Hengelo en Tweente in de zulfd’n rie’j as Berlien, Paries, Istanbul (en verget ok Helsinki, Bilbao, Turijn en Krakow nich). Wel tango daanst hef ginne vakaantie meer neudig, en goat meer op ‘n trad.